روم: اطالوی فٹبال لیگ میں ماریک ہامسک نے ڈیگو میراڈونا کا ریکارڈ توڑدیا۔

ماریک ہامسک نے نپولی کلب کیلیے قائم ارجنٹائنی فٹبالر ڈیگو میراڈونا کا ریکارڈ توڑدیا۔ نپولی نے اٹالین سیری اے میں ہفتے کی شب سمپوڈریا کو 3-2 سے ہرادیا، سلواکین فٹبالر ہامسک نے اس مقابلے میں کلب کے لیے ایک گول بنایا جب کہ یہ نپولی کی جانب سے تمام ایونٹس میں ان کا مجموعی طور پر 116واں گول ثابت ہوا، اس طرح وہ میراڈونا کے آل ٹائم ریکارڈ 115 سے آگے نکل گئے، وہ 1991 سے اس ریکارڈ پر قابض تھے۔