میری بیٹی کو کسی نے اغوا نہیں کیا وہ نادیدہ قوتوں کی مالک ہے خود ہی واپس آ جائے گی ؟ جہالت کی پرستار ایک پاکستانی ماں نے قانون نافذ کرنےو الے اداروں کو بھی چکرا دیا
کراچی (ویب ڈیسک) ماں کا کہنا ہے کہ بچی کو جنات لے گئے ہیں، خود واپس کر جائیں گے ، پولیس کراچی پولیس نے ’’گود سے بچے چھیننے‘‘ کی خبروں کی سختی سے تردید کر دی ۔لی مارکیٹ سے اغواء شیر خوار بچی نادیدہ قوتوں کی مالک ہے ۔ پولیس کے مطابق بچی کی
ماں کا کہنا ہے کہ آٹھ ماہ کی بچی کو جنات لے گئے ہیں، خود واپس کر جائیں گے ۔ تفصیلات کے مطابق کراچی میں‘‘گود سے بچے چھیننے ’’ کی خبروں کی کراچی پولیس نے سختی سے تردید کر دی ہے ۔ اس سلسلے میں ترجمان پولیس کاکہناتھا کہ ٹی وی چینلز، اخبارات اور سوشل میڈیا پر چلنے والی افواہوں کو تصدیق کیے بغیر بڑی خبریں بنا کر پیش کیا جا رہا ہے ، ایک کی خبر میں واردات ایم اے جناح روڈ پر ظاہر کی گئی ہے ، جو 11 تھانوں کی حدود میں آتا ہے ۔ تمام 11 تھانوں کی پولیس نے 3 دن کے دوران ایسی کسی واردات کی تردید کی ہے ۔ ترجمان کا کہنا ہے کہ ایم اے جناح روڈ سے کسی بچے کے اغواء یا گود سے بچہ چھینے جانے کی کوئی واردات رپورٹ نہیں ہوئی۔ شہر کے کسی بھی علاقے میں اس طرح کی کوئی واردات ریکارڈ پر نہیں ہے ۔ ملیر سے بھی 12 سالہ بچہ اغواء نہیں ہوا، گھر سے پیسے چوری کر کے گھومنے نکل گیا تھا۔ گزشتہ روز خود ہی واپس آ گیا۔ لی مارکیٹ کے قریب کی عمارت سے شیرخوار بچی کے مبینہ اغواء کا مقدمہ درج ہے ۔ پولیس تفتیش کر رہی ہے ۔ اب تک نپیئرپولیس کو 8 ماہ کی بچی کے اغواء کے شواہد نہیں ملے ، کیوں کہ بچی کی ماں نے بیان دیا ہے کہ شیرخوار نادیدہ قوتوں کی مالک تھی۔ بچی کو جنات لے گئے ہیں، وہی واپس کر جائیں گے ۔ ماں پراسرار طور پر مطمئن ہے ۔(م،ش)