بولی وڈ کی ایک اور معروف اداکارہ کینسر کا شکار
اگر رواں برس کو بولی وڈ میں شادیوں اور بیماریوں کا سال کہا جائے تو کچھ غلط نہ ہوگا، ایک طرح جہاں اداکارہ نیہا دھوپیا، انوشکا شرما اور دپیکا پڈوکون جیسی اداکاراؤں کی شادی ہوچکی۔تو وہیں دوسری طرف اداکار عرفان خان، اداکارہ سونالی باندرے اور لکھاری اور اداکار آیوشمن کھرانہ کی اہلیہ طاہرہ کشیپ کو بھی کینسر لاحق ہوا۔جہاں جلد ہی پریانکا چوپڑا کی شادی ہونے والی ہے، اب وہیں ایک اور معروف اداکارہ میں کینسر کی تشخیص بھی ہوئی ہے، جس وجہ سے رواں سال کو بولی وڈ میں شادیوں اور بیماریوں کا سال کہا جا رہا ہے۔علاوہ ازیں رشی کپور بھی کسی نامعلوم بیماری کے باعث بھارت سے امریکا منتقل ہوچکے ہیں، جہاں ان کا علاج جاری ہے۔لیکن اب خبر سامنے آئی ہے کہ بولی وڈ کی سینیئر اداکارہ 61 سالہ نفیسہ علی نے انکشاف کیا ہے کہ ان میں کینسر کی تشخیص ہوئی ہے۔’صاحب بیوی اور گینگسٹر تھری، یملا پگلا دیوانہ اور میجر صاحب‘ سمیت دیگر کئی فلموں میں شاندار اداکاری کرنے والی نفیسہ علی نے اپنی انسٹاگرام پوسٹ کے ذریعے انکشاف کیا کہ انہیں تیسرے درجے کی کینسر لاحق ہوگئی۔