خواتین کے دلوں پر راج کرنے والے اداکار رنویر سنگھ نے شو کے دوران ایسا کیا کام کردیا کہ نوجوان لڑکیاں بے ہوش ہو گئیں، فلم نگری سے گرما گرم خبر آگئی
ممبئی ( مانیٹرنگ ڈیسک ) یہ تو سب ہی جانتے ہیں کہ بولی وڈ اداکار رنویر سنگھ کا شمار سب سے جو شیلے اداکاروں میں کیا جاتا ہے ، تاہم کبھی کبھار ان کا یہ جوش اور اینرجی دوسروں کے لیے خطرناک بھی ثابت ہوجاتی ہے ،ایسا ہی کچھ رنویر سنگھ کی آنے والی فلم ’گلی بوائے‘ کی پروموشن کے دوران ہوا، جب رنویر سنگھ کچھ زیادہ ہی جوش میں آگئے۔
تفصیلات کے مطابق رنویر سنگھ ممبئی میں لیکمے فیشن ویک میں موجود تھے، جہاں وہ آپنی آنے والی فلم ’گلی بوائے‘ کے گانوں پر پرفارم کررہے تھے ، رنویر سنگھ فلم ’گلی بوائے‘ میں ریپر کا کردار نبھارہے ہیں ، فیشن ویک کے دوران رنویر سنگھ نے ان ہی گانوں پر پرفارم کیا جن کی گلوکاری انہوں نے خود کی ہے ، اپنی پرفارمنس کے آخر میں اداکار جوش میں آکر سامنے موجود حاضرین اس خیال سے کود پڑے کہ انہیں پکڑ لیا جائے گا ، تاہم جب اداکار نے ایونٹ پر موجود مداحوں پر چھلانگ لگائی تو انہیں پکڑ تو لیا گیا، البتہ ان کی اس حرکت سے کئی لوگ زخمی ہوگئے جن میں خواتین بھی موجود تھیں ، اس ایونٹ کی ایسی تصاویر بھی سوشل میڈیا پر وائرل ہوئیں، جن میں خواتین کو زخمی حالت میں دیکھا گیا ، ٹوئٹر پر رنویر سنگھ کو ان کی اس حرکت پر تنقید کا نشانہ بناتے ہوئے ایک صارف نے لکھا کہ ’رنویر سنگھ بڑے ہوجاؤ اور یہ بچوں جیسی حرکتیں چھوڑ دو ، جبکہ ایک صارف کا کہنا تھا کہ ’ایمانداری سے بات کی جائے، اگر میں وہاں ہوتا تو رنویر سنگھ کو پکڑنے کی کوشش نہیں کرتا، انہیں گرنا ہی چاہیے تھا ،