نئے صوبے کے بل کیخلاف حکومت میں ہی بغاوت ہو گئی۔۔ ق لیگ نے ’حکومتی بل ‘بدنیتی پر مبنی قرار دے دیا
یہ منطق سمجھ سے باہر ہے کہ تین اضلاع کا صوبہ نہیں بن سکتا، بہاولپور صوبے کیلئے ریفرنڈم کروا کردیکھ لیں کہ عوام صوبہ چاہتے ہیں یا نہیں، وزیراعظم سے ملاقات میں مطالبات سامنے رکھیں گے۔ وفاقی وزیرطارق بشیر چیمہ کی میڈیا سے گفتگوطارق بشیر چیمہ نے نئے صوبے کا حکومتی بل بدنیتی پر مبنی قرار دیدیا

لاہور: وفاقی وزیرطارق بشیر چیمہ نے جنوبی پنجاب صوبے کا حکومتی بل بدنیتی پر مبنی قرار دے دیا۔ انہوں نے کہا کہ یہ منطق سمجھ سے باہر ہے کہ تین اضلاع کا صوبہ نہیں بن سکتا،بہاولپور صوبے کیلئے ریفرنڈم کرواکردیکھ لیں کہ عوام صوبہ چاہتے ہیں یا نہیں، وزیراعظم سے ملاقات میں مطالبات سامنے رکھیں گے۔ وفاقی وزیرطارق بشیر چیمہ نے آج یہاں میڈیا سے گفتگو کرتے ہوئے کہا کہ شاہ محمود قریشی قابل احترام ہیں۔
لیکن یہ منطق سمجھ سے باہر ہے کہ تین اضلاع کا صوبہ نہیں بن سکتا۔ہمارا صوبہ تو تین اضلاع پر بھی مشتمل رہ چکا ہے اور کام بھی چکا ہے۔ انہوں نے کہا کہ ایوان میں دوصوبے بنانے کا بل موجود ہے۔ہمارے قومی اسمبلی میں ن لیگی دوستوں نے دوصوبوں جنوبی پنجاب اور بہاولپورصوبے کا بل پیش کیا۔