اداکار سدھارتھ شُکلا نے اپنی آخری شام کس کے ساتھ گزاری تھی ،حقا ئق سامنے آگئے۔ تفصیلات کے مطابق بھارتی میڈیا کا کہنا ہےکہ اداکار کے سکیورٹی گارڈ کا بیان ہے کہ سدھارتھ نے اپنی آخری شام والدہ کے ہمراہ قریبی پارک میں گزاری تھی۔اس کا مزیدکا کہنا تھا کہ اداکار سدھارتھ شُکلا کا فلیٹ آٹھویں منزل پر تھا جبکہ ان کی والدہ نویں منزل پر واقع فلیٹ میں رہائش پذیر تھیں۔ دوسری جانب سدھارتھ شُکلا کی پوسٹ مارٹم میں کوئی اندرونی یا بیرونی چوٹ کے نشان نہیں ملے جبکہ اداکار کے اہلِ خانہ نے بھی ابھی تک کسی قسم کے شک کا اظہار نہیں کیا۔
اداکار سدھارتھ شکلا کے پوسٹ مارٹم کو ویڈیو میں ریکارڈ کیا گیا ہے، پوسٹ مارٹم رپورٹ میں ڈاکٹرز کی جانب سے اب تک کوئی حتمی رائے نہیں دی گئی۔خاندانی ذرائع نے اداکار کی موت کی وجہ ہارٹ اٹیک کو قرار دیا ہے۔