افغان جنگ ختم ہوگئی اب جلد ازجلد حکومت کا اعلان کریں گے، ترجمان طالبان
کابل: ترجمان طالبان ذبیح اللہ مجاہد نے کہا ہے کہ افغانستان میں دہائیوں سے جاری جنگ ختم ہوگئی اور اب ساری توجہ حکومت سازی پر مرکوز ہے بہت جلد حکومت کا اعلان کریں گے۔

عالمی خبر رساں ادارے کے مطابق ترجمان ذبیح اللہ مجاہد نے پریس کانفرنس میں حکومت سازی میں تاخیر کی وجہ طالبان کے اندرونی اختلافات سے متعلق پوچھے گئے سوال کے جواب میں کہا کہ ہمیں بھی حکومت کے اعلان کی جلدی ہے، تاخیر کی وجہ اندرونی اختلافات نہیں بلکہ کچھ تکنیکی مسائل ہیں جن پر مشاورت جاری ہے۔