فیصل آباد کی اسپیشل کورٹ کے جج نے انسانی اسمگلنگ کے مجرم کو 21 سال قید بامشقت کی سزا سنادی۔

جج رانا زاہد اقبال نے مجرم کو 11 لاکھ روپے جرمانہ اور 37 لاکھ روپے ہرجانے کی ادائیگی کا حکم دیا ہے۔

گوجرہ کے رہائشی مجرم یاسر علی نے شہری کو اٹلی بھجوانے کے عوض 37 لاکھ روپے وصول کیے تھے۔

شہری بارڈر کراسنگ کے دوران بیزاری پر ایران سے وطن واپسی پر مجبور ہوا۔

وفاقی تحقیقاتی ادارے (ایف آئی اے) نے 7 جولائی 2023ء کو مقدمہ درج کرکے مجرم کو گرفتار کیا تھا، جسے آج 21 سال قید بامشقت کی سزا سنائی گئی ہے۔