کراچی کے علاقے توحید کمرشل میں فلیٹ سے فٹ بال کوچ کی لاش ملنے کے واقعے میں پیشرفت ہوئی ہے، 2 ملزمان کو گرفتار کرلیا گیا۔

سینئر سپرنٹنڈنٹ آف پولیس (ایس ایس پی) ضلع جنوبی ساجد سدوزئی کا کہنا ہے کہ 2 ملزمان کو گرفتار کرلیا گیا ہے جبکہ مرکزی ملزم فرار ہے۔

ایس ایس پی ساؤتھ نے مزید کہا کہ واقعے میں ملوث مرکزی ملزم کا سراغ لگا لیا ہے، گرفتار ملزمان مقتول کے دوست تھے۔

پولیس حکام نے یہ بھی کہا کہ ملزمان نے مقتول کی لاش کو قتل کے اگلے روز چھپا دیا تھا۔

یاد رہے کہ 26 اکتوبر کو پیش آنے والے واقعے کا مقدمہ تھانہ کلفٹن میں درج ہے۔