ملک کے مختلف شہروں لاہور، اسلام آباد، سیالکوٹ، فیصل آباد اور ملتان ایئرپورٹس پر دھند کے باعث حدِ نگاہ کم کے نتیجے میں متعدد فلائٹس تاخیر کا شکار ہوئیں۔فلائٹ شیڈول کے مطابق انتظامی معاملات کے سبب 2 پروازیں منسوخ ،34 میں تاخیر کا شکار ہوئیں ۔لاہور اور اسلام آباد ایئرپورٹس سے روانگی کی 15 پروازوں میں تاخیر ہوئی ہے۔فلائٹ شیڈول کے مطابق قومی ایئر کی کراچی اسلام آباد کی 2 پروازوں پی کے 300، 301 میں 5 گھنٹے کی تاخیر کابتایاگیا، قومی ایئر کی کراچی سے اسلام آباد کی صبح 7 بجے کی پرواز دن 12 بجے روانہ ہوئی۔نجی ایئر لائن کی اسلام آباد سے ابوظبی کی 2 پروازوں میں 8 کی گھنٹے کی جبکہ نجی ایئر کی اسلام آباد سے ریاض اور جدہ کی 2 پروازوں میں 19 گھنٹے تاخیر کا بتایاگیا۔لاہور سے بحرین کی قومی ایئر کی 2 پروازوں میں 4 اور ساڑھے 7 گھنٹے کی تاخیر کابتایاگیا جبکہ لاہور جدہ کی نجی ایئر کی ایک پرواز میں 19 گھنٹے تاخیر کابتایاگیا۔فلائٹ شیڈول کے مطابق کراچی سے قومی ایئر کی جدہ کی پرواز پی کے 732 میں سوا 6 گھنٹے جبکہ کراچی سے نجی ایئرکی دبئی کی پروازوں پی اے 110، 111 میں 2 گھنٹے کی تاخیر کابتایاگیا۔