امریکی صدر ڈونلڈ ٹرمپ کے طیارے نے فنی خرابی کے باعث ہنگامی لینڈنگ کی ہے ۔ ترجمان وائٹ ہاؤس کے مطابق ٹرمپ کے طیارے میں پرواز بھرتے ہی خرابی کی نشاندہی ہوئی ہے، احتیاط کے پیشِ نظر لینڈنگ کی ہے، صدر ٹرمپ نئے طیارے میں ڈیووس روانہ ہونگے۔ ترجمان کے مطابق ایئرفورس ون کو واپس جوائنٹ بیس اینڈریوز پر اتار لیا گیا، پرواز کے فوراً بعد طیارے کے عملے نے معمولی الیکٹرک خرابی کی نشاندہی کی، یہ اقدام احتیاطی تدبیر کے طور پر کیا گیا،ہنگامی صورتحال کی اطلاع نہیں۔ واپسی کے بعد صدر ٹرمپ ایک دوسرے طیارے میں سوار ہوں گے اور ورلڈ اکنامک فورم میں شرکت کے لیے ڈیووس کا اپنا سفر جاری رکھیں گے۔