افغانستان کے مختلف علاقوں میں شدید بارش اور سیلاب نے تباہی مچادی ، جس کے باعث 28 افراد جاں بحق اور 49 زخمی ہو گئے۔ غیرملکی میڈیا کے مطابق افغانستان کے کئی صوبوں میں جمعرات سے جاری شدید بارشوں کے بعد سیلاب اور مٹی کے تودے گرنے سے100 سے زائد مکانات تباہ ہوئے گئے ۔ محکمہ موسمیات نے ملک بھر میں مزید بارش، برفباری اور سیلاب کا خدشہ ظاہر کیا ہے ،این ڈی ایم اے نے الرٹ جاری کر دیا۔افغان حکام کے مطابق زیادہ تر اموات بارش، سیلاب، مٹی کے تودے اور بجلی گرنے سے پیش آئیں۔افغانستان میں رواں سال جنوری میں بھی شدید بارشوں اور برفباری سے 60 سے زیادہ افراد جاں بحق ہوئے تھے۔