دنیا میں اپنی منفرد کشتی نما ساخت اور شاندار ڈیزائن کی وجہ سے پہچانے جانے والے دبئی کے سیون اسٹار ہوٹل برج العرب کو مرمت کے لیے 18 ماہ بند کر دیا گیا ۔دبئی کا مشہور لگژری ہوٹل برج العرب کےاندرونی حصوں میں 24 قیراط سونےکی تہہ بڑے پیمانے پر استعمال کی گئی جوستونوں، دیواروں اور دیگر سجاوٹی حصوں کو شاہانہ انداز دیتی ہے۔برج العرب ہوٹل کی 1999 کے بعد پہلی بڑی مرمت کا آغاز ہورہا ہے۔کمپنی کی جانب سےکہا گیا ہے کہ مرمت کے دوران ہوٹل کی منفرد ساخت کو برقرار رکھا جائے گا۔ہوٹل کے اندرونی ڈیزائن اور طرزِ تعمیر کو محفوظ بنانے پر توجہ دی جائے گی۔ برج العرب کی تعمیر سے پہلے سمندر میں ایک مصنوعی جزیرہ بنایا گیا،جو جمیرہ بیچ سے تقریباً 280 میٹر دور ہے۔ہوٹل میں تقریباً 30 اقسام کے قیمتی پتھر اور سنگِ مرمر استعمال کیے گئے ،جن میں اطالوی اسٹاچوریو ماربل بھی شامل ہےجو کلاسیکل فنِ تعمیر سے جڑا ہوا ہے۔