امریکا اور ایران کے درمیان امن مذاکرات کے دوسرے دور کیلئے غیر ملکی وفود کی آج اسلام آباد آمد کا امکان ہے۔وفاقی دارالحکومت میں سکیورٹی کے باعث پبلک اور ہیوی ٹرانسپورٹ کا داخلہ بند کر دیا گیا ۔امریکا اور ایران کے درمیان امن مذاکرات کے دوسرے دور کے موقع پر اسلام آباد ضلعی انتظامیہ نے اعلان کیا ہے کہ شہر میں ہیوی اور پبلک ٹرانسپورٹ معطل کر دی گئی ہے ،جڑواں شہروں میں فیض آباد،کراچی کمپنی،پیرودھائی، سواں کے بس اڈے بند کر دیئےگئے۔ اسلام آباد میں ایران امریکا مذاکرات کے تناظرمیں جڑواں شہر راولپنڈی میں رات 12 سے تمام کاروبارتاحکم ثانی بند کرنے کا فیصلہ کیا گیا۔ریسٹورنٹس،پارکس،بیوٹی پارلرز،مارکیٹیں بندرکھی جائیں گی،سنوکرکلبز،جمز،پان شاپس،ہیئرسیلونز، بینک اوربیکریاں بھی بندہوں گی۔پولیس نےتمام مارکیٹوں میں انتباہی نوٹس تقسیم کرناشروع کردیئے جبکہ احکامات پر عمل نہ کرنےکی صورت میں سخت کارروائی کرنے کا اعلان کیا گیا ہے۔