ملک میں نئے ڈیزائن کے کرنسی نوٹوں کے اجرا میں تاخیر کا امکان ظاہر کیا گیا ہے۔

گورنر اسٹیٹ بینک جمیل احمد کے مطابق نئے کرنسی نوٹوں کے ڈیزائن حکومت کو منظوری کے لیے ارسال کیے گئے تھے تاہم حکومت کی جانب سے ان ڈیزائنز میں کچھ تبدیلیوں اور مزید بہتری کی ہدایت کرتے ہوئے انہیں واپس اسٹیٹ بینک کو بھیج دیا گیا ہے۔

انہوں نے مزید بتایا کہ اسٹیٹ بینک اس وقت ڈیزائنز پر مزید کام کررہا ہے جب کہ نئے نوٹوں کی حتمی منظوری وفاقی کابینہ دے گی۔