مہنگائی سے پریشان عوام کے لیے ایک اور بری خبر سامنے آگئی، آئل اینڈ گیس ریگولیٹری اتھارٹی (اوگرا) نے جون 2026 کے لیے ایل پی جی کی قیمت میں اضافہ کر دیا ہے۔

اوگرا کے جاری کردہ نوٹیفکیشن کے مطابق ایل پی جی کی فی کلو قیمت میں 4 روپے 96 پیسے اضافہ کیا گیا ہے جس کے بعد قیمت 303 روپے 80 پیسے سے بڑھ کر 308 روپے 76 پیسے فی کلو ہو گئی ہے۔

اسی طرح 11.8 کلوگرام کے گھریلو سلینڈر کی قیمت میں 58 روپے 51 پیسے اضافہ کیا گیا ہے جس کے بعد اس کی نئی قیمت 3 ہزار 584 روپے 90 پیسے سے بڑھ کر 3 ہزار 643 روپے 41 پیسے ہو گئی ہے۔

ایل پی جی کی قیمتوں میں اضافے کے باعث گھریلو صارفین پر اضافی مالی بوجھ پڑنے کا خدشہ ظاہر کیا جا رہا ہے۔