ادارہ شماریات نے مئی 2026 کی تجارتی اعدادوشمار سے متعلق تازہ رپورٹ جاری کردی جس میں بتایا گیا ہے کہ پاکستان کے تجارتی خسارے میں 39 فیصد کمی ریکارڈ کی گئی ہے۔

مشیر خزانہ خرم شہزاد نے ادارہ شماریات کی تجارتی اعدادوشمار سے متعلق تازہ رپورٹ ایکس پر شیئر کردی اور بتایا کہ مئی کے مہینے میں ملکی تجارتی خسارہ 39 فیصد تک گر گیا جبکہ برآمدات میں اضافہ اور درآمدات میں کمی سے تجارتی فرق کم ہو گیا۔

انکا کہنا تھا کہ مئی میں ملک کی برآمدات میں 10 فیصد اضافہ اور درآمدات میں 22 فیصد کی بڑی کمی ریکارڈ کی گئی جبکہ روشن ڈیجیٹل اکاؤنٹ کے ذریعے آنے والے فنڈزمیں مسلسل اضافہ ہو رہا ہے۔

خرم شہزاد نے مزید بتایا کہ آئی ٹی برآمدات اورترسیلات زرمیں بھی مسلسل اضافہ ہورہا ہے، برآمدات میں اضافہ اور درآمدات میں کمی اس بات کی عکاسی کرتی ہے کہ ملک ترقی کی راہ پر گامزن ہے۔